ajib rut hai ye hijr-o-visal se aage

Farhat Zahid

ajib rut hai ye hijr-o-visal se aage

Farhat Zahid

MORE BYFarhat Zahid

    ajiib rut hai ye hijr-o-visāl se aage

    kamāl hone lagā hai kamāl se aage

    vo ek lamha jo titlī apne beach meñ hai

    use maiñ le ke chalī māh-o-sāl se aage

    koī javāz ho hamdam ab is rifāqat

    talāsh kar mujhe mere jamāl se aage

    javāb-e-ḳhvāb bhalā ḳhvāb ke sivā kyā hai

    magar vo niklā nahīñ hai savāl se aage

    pighal rahā hai mirā din siyāh rātoñ meñ

    kahānī ghuum rahī hai zavāl se aage

    ruke hue haiñ kināre pe vo talātum hai

    ye shahr-e-ishq hai aur hai majāl se aage

    mashām-e-jāñ meñ koī diip jalā.e hue

    nikal chalī huuñ maiñ rañj-o-malāl se aage

    ajib rut hai ye hijr-o-visal se aage

    kamal hone laga hai kamal se aage

    wo ek lamha jo titli sa apne beach mein hai

    use main le ke chali mah-o-sal se aage

    koi jawaz ho hamdam ab is rifaqat ka

    talash kar mujhe mere jamal se aage

    jawab-e-KHwab bhala KHwab ke siwa kya hai

    magar wo nikla nahin hai sawal se aage

    pighal raha hai mera din siyah raaton mein

    kahani ghum rahi hai zawal se aage

    ruke hue hain kinare pe wo talatum hai

    ye shahr-e-ishq hai aur hai majal se aage

    masham-e-jaan mein koi dip sa jalae hue

    nikal chali hun main ranj-o-malal se aage

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY