aks jal jaenge aaine bikhar jaenge

Aslam Mahmood

aks jal jaenge aaine bikhar jaenge

Aslam Mahmood

MORE BYAslam Mahmood

    aks jal jā.eñge ā.īne bikhar jā.eñge

    ḳhvāb in jāgtī āñkhoñ meñ mar jā.eñge

    ham ki dil-dāda kahāñ raunaq-e-bāzār ke haiñ

    be-niyāzāna duniyā se guzar jā.eñge

    jin ko dastār ḳhvāhish hai unheñ kyā ma.alūm

    ma.arka ab ke vo Thahrā hai ki sar jā.eñge

    koī manzil nahīñ raste haiñ faqat chāroñ taraf

    jo nikal aa.e haiñ ghar se vo kidhar jā.eñge

    dekh aa kar ki tire hijr meñ bhī zinda haiñ

    tujh se bichhḌe the to lagtā thā ki mar jā.eñge

    ham ki sharminda-e-asbāb nahīñ hone ke

    hukm jab hogā to be-raḳht-e-safar jā.eñge

    ham se dariyā jo gurezāñ hai to ham bhī ik din

    kisī tapte hue sahrā meñ utar jā.eñge

    ham ko dariyā se na maujoñ se na kashtī se ġharaz

    ab ke us paar hameñ le ke bhañvar jā.eñge

    aks jal jaenge aaine bikhar jaenge

    KHwab in jagti aankhon mein hi mar jaenge

    hum ki dil-dada kahan raunaq-e-bazar ke hain

    be-niyazana hi duniya se guzar jaenge

    jin ko dastar ki KHwahish hai unhen kya malum

    marka ab ke wo Thahra hai ki sar jaenge

    koi manzil nahin raste hain faqat chaaron taraf

    jo nikal aae hain ghar se wo kidhar jaenge

    dekh aa kar ki tere hijr mein bhi zinda hain

    tujh se bichhDe the to lagta tha ki mar jaenge

    hum ki sharminda-e-asbab nahin hone ke

    hukm jab hoga to be-raKHt-e-safar jaenge

    hum se dariya jo gurezan hai to hum bhi ek din

    kisi tapte hue sahra mein utar jaenge

    hum ko dariya se na maujon se na kashti se gharaz

    ab ke us par hamein le ke bhanwar jaenge

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY