عکس موجود نہ سایا موجود
عکس موجود نہ سایا موجود
مجھ میں اب کچھ نہیں میرا موجود
نکل آتا ہوں میں اکثر باہر
کوئی خود میں رہے کتنا موجود
کبھی دریا سے ہے قطرہ غائب
کبھی قطرے میں ہے دریا موجود
میں ذرا بھی نہیں اس میں لیکن
مجھ میں وہ سارا کا سارا موجود
جب تلک پیاس ہے تجھ میں باقی
بس تبھی تک ہے یہ دریا موجود
کاش موجود نہ ہو اپنا کوئی
جس گھڑی ہونے لگوں لا موجود
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
