اللہ اللہ خون غریباں
اللہ اللہ خون غریباں
ہر طرف ہو رہا ہے چراغاں
حشر بردوش محشر بداماں
آنے والا ہے پھر کوئی طوفاں
وقت ہر زخم دل کی دوا ہے
کون لے اہل دنیا کا احساں
زندگی کی حقیقت ہی کیا ہے
زندگی ایک خواب پریشاں
کون ہے جو کرے پرسش غم
وہ گریزاں تو دنیا گریزاں
اک تبسم بھی بس میں نہیں ہے
کتنا مجبور ہے آج انساں
کیا بجھے گی خزاں کے لہو سے
تیز ہے تشنگیٔ بہاراں
چین دل کو کہیں بھی نہیں ہے
ایک ہے آشیاں ہو کہ زنداں
لوگ راہوں میں دم توڑتے ہیں
موت پہلے نہ تھی اتنی ارزاں
کچھ نہ بگڑے گا اردو زباں کا
کیوں خلشؔ ہو رہے ہو حراساں
مأخذ:
قطار شیشہ (Pg. 68)
- مصنف: خلش بڑودوی
-
- ناشر: ابراھیم انجم
- سن اشاعت: 1965
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
