allah ye kis ka matam hai wo zulf jo bikhri jati hai

allāh ye kis kā mātam hai vo zulf jo bikhrī jaatī hai

āñkheñ hai ki bhīgī jaatī haiñ duniyā hai ki Duubī jaatī hai

kuchh biite dinoñ kī yādeñ haiñ aur chāroñ taraf tanhā.ī sī

mehmāñ haiñ ki aa.e jaate haiñ mahfil hai ki ujḌī jaatī hai

tadbīr ke hāthoñ kuchh na huā taqdīr kī mushkil hal na huī

nāḳhun haiñ ki TuuTe jaate haiñ gutthī hai ki uljhī jaatī hai

kyā koī mohabbat meñ yuuñ bhī benām-o-nishāñ ho jaatā hai

maiñ huuñ ki abhī tak zinda huuñ duniyā hai ki bhūlī jaatī hai

allah ye kis ka matam hai wo zulf jo bikhri jati hai

aankhen hai ki bhigi jati hain duniya hai ki Dubi jati hai

kuchh bite dinon ki yaaden hain aur chaaron taraf tanhai si

mehman hain ki aae jate hain mahfil hai ki ujDi jati hai

tadbir ke hathon kuchh na hua taqdir ki mushkil hal na hui

naKHun hain ki TuTe jate hain gutthi hai ki uljhi jati hai

kya koi mohabbat mein yun bhi benam-o-nishan ho jata hai

main hun ki abhi tak zinda hun duniya hai ki bhuli jati hai