almari se KHat uske purane nikal aae

Munawwar Rana

almari se KHat uske purane nikal aae

Munawwar Rana

MORE BYMunawwar Rana

    almārī se ḳhat us ke purāne nikal aa.e

    phir se mire chehre pe ye daane nikal aa.e

    maañ baiTh ke taktī thī jahāñ se mirā rasta

    miTTī ke haTāte ḳhazāne nikal aa.e

    mumkin hai hameñ gaañv bhī pahchān na paa.e

    bachpan meñ ham ghar se kamāne nikal aa.e

    ai ret ke zarre tirā ehsān bahut hai

    āñkhoñ ko bhigone ke bahāne nikal aa.e

    ab tere bulāne se bhī ham aa nahīñ sakte

    ham tujh se bahut aage zamāne nikal aa.e

    ek ḳhauf rahtā hai mire dil meñ hamesha

    kis ghar se tirī yaad na jaane nikal aa.e

    almari se KHat us ke purane nikal aae

    phir se mere chehre pe ye dane nikal aae

    man baiTh ke takti thi jahan se mera rasta

    miTTi ke haTate hi KHazane nikal aae

    mumkin hai hamein ganw bhi pahchan na pae

    bachpan mein hi hum ghar se kamane nikal aae

    ai ret ke zarre tera ehsan bahut hai

    aankhon ko bhigone ke bahane nikal aae

    ab tere bulane se bhi hum aa nahin sakte

    hum tujh se bahut aage zamane nikal aae

    ek KHauf sa rahta hai mere dil mein hamesha

    kis ghar se teri yaad na jaane nikal aae

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY