amn-o-aman ki KHatir khai thin humne qasMein

amn-o-amāñ kī ḳhātir khaa.ī thiiñ ham ne qasmeñ

lekin rahā nahīñ hai ye kaam apne bas meñ

hālāt-e-hāzira ne kī aisī rahnumā.ī

gulshan ko DhūñDte the ham aa ga.e qafas meñ

qudrat ke chāhne se hogā ilaaj is kā

ab ġham nahīñ hai merā duniyā kī dastaras meñ

dair-o-haram se merā bas vāsta hai itnā

ye bhī hai mere bas meñ vo bhī hai mere bas meñ

'bismil' mire azā.em duniyā se haiñ nirāle

hañs kar maiñ jī rahā huuñ rah kar bhī ḳhār-o-ḳhas meñ

amn-o-aman ki KHatir khai thin hum ne qasmen

lekin raha nahin hai ye kaam apne bas mein

haalat-e-hazira ne ki aisi rahnumai

gulshan ko DhunDte the hum aa gae qafas mein

qudrat ke chahne se hoga ilaj is ka

ab gham nahin hai mera duniya ki dastaras mein

dair-o-haram se mera bas wasta hai itna

ye bhi hai mere bas mein wo bhi hai mere bas mein

'bismil' mere azaem duniya se hain nirale

hans kar main ji raha hun rah kar bhi KHar-o-KHas mein