andar ki duniyaen mila ke ek nagar ho jaen
andar kī duniyā.eñ milā ke ek nagar ho jaa.eñ
yā phir aao mil kar TūTeñ aur khañDar ho jaa.eñ
ek naam paḌheñ yuuñ donoñ aur duā yuuñ māñgeñ
yā sajde se sar na uTheñ yā lafz asar ho jaa.eñ
ḳhair aur shar kī āmezish aur āvezish se nikhreñ
bhuul aur tauba karte saare saañs basar ho jaa.eñ
ham azalī āvāra jin kā ghar hī nahīñ hai koī
lekin jin rastoñ se guzreñ raste ghar ho jaa.eñ
ek gunah jo faanī kar ke chhoḌ gayā dhartī par
vahī gunah dobāra kar leñ aur amar ho jaa.eñ
suufī sādhū ban kar terī khoj meñ aise nikleñ
ḳhud hī apnā rasta manzil aur safar ho jaa.eñ
rizq kī tañgī ishq kā rog aur log munāfiq saare
aao aise shahr se 'haidar' shahr-badar ho jaa.eñ
andar ki duniyaen mila ke ek nagar ho jaen
ya phir aao mil kar TuTen aur khanDar ho jaen
ek nam paDhen yun donon aur dua yun mangen
ya sajde se sar na uThen ya lafz asar ho jaen
KHair aur shar ki aamezish aur aawezish se nikhren
bhul aur tauba karte sare sans basar ho jaen
hum azali aawara jin ka ghar hi nahin hai koi
lekin jin raston se guzren raste ghar ho jaen
ek gunah jo fani kar ke chhoD gaya dharti par
wahi gunah dobara kar len aur amar ho jaen
sufi sadhu ban kar teri khoj mein aise niklen
KHud hi apna rasta manzil aur safar ho jaen
rizq ki tangi ishq ka rog aur log munafiq sare
aao aise shahr se 'haidar' shahr-badar ho jaen
Source:
Rooh-e-Ghazal,Pachas Sala Intekhab (Pg. 618)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
