andheri galiyon se un ko yahan nikala hai

añdherī galiyoñ se un ko yahāñ nikālā hai

bahut se log haiñ ham ne jinheñ sañbhālā hai

yahāñ pe vaise to āzād haiñ sabhī lekin

magar zabān pe har ik bashar kī taalā hai

'ajīb baat hai ḳhud hī vafā-parastoñ ne

mohabbatoñ kā janāza yahāñ nikālā hai

huzūr ham se koī kyā huī hai gustāḳhī

ye sirf jumla hai patthar nahīñ uchhālā hai

jo khā ke bachche amīroñ ke chhoḌ dete haiñ

ġharīb logoñ ke bachchoñ kā vo nivāla hai

re'āyā ḳhush thī ki jamhūriyat bahāl huī

siyāsatoñ ne koī aur rog paalā hai

jo vaqt jaatā hai vāpas kabhī nahīñ aatā

'sabā' ye soch ke ham ne ise sañbhālā hai

andheri galiyon se un ko yahan nikala hai

bahut se log hain hum ne jinhen sanbhaala hai

yahan pe waise to aazad hain sabhi lekin

magar zaban pe har ek bashar ki tala hai

'ajib baat hai KHud hi wafa-paraston ne

mohabbaton ka janaza yahan nikala hai

huzur hum se koi kya hui hai gustaKHi

ye sirf jumla hai patthar nahin uchhaala hai

jo kha ke bachche amiron ke chhoD dete hain

gharib logon ke bachchon ka wo niwala hai

re'aya KHush thi ki jamhuriyat bahaal hui

siyasaton ne koi aur rog pala hai

jo waqt jata hai wapas kabhi nahin aata

'saba' ye soch ke hum ne ise sanbhaala hai