aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

انجام خوشی کا دنیا میں سچ کہتے ہو غم ہوتا ہے

سید محمد عبد الغفور شہباز

انجام خوشی کا دنیا میں سچ کہتے ہو غم ہوتا ہے

سید محمد عبد الغفور شہباز

MORE BYسید محمد عبد الغفور شہباز

    انجام خوشی کا دنیا میں سچ کہتے ہو غم ہوتا ہے

    ثابت ہے گل اور شبنم سے جو ہنستا ہے وہ روتا ہے

    ہم شوق کا نامہ لکھتے ہیں کہ صبر اے دل کیوں روتا ہے

    یہ کیا ترکیب ہے اے ظالم ہم لکھتے ہیں تو دھوتا ہے

    ہے دل اک مرد آخر بیں اپنے اعمال پر روتا ہے

    گر ڈوب کے دیکھو اشک نہیں موتی سے کچھ یہ پروتا ہے

    گھر اس سے عشق کا بنتا ہے دل سختی سے کیوں گھبرائے

    شیریں یہ محل اٹھواتی ہے فرہاد یہ پتھر ڈھوتا ہے

    ٹھکرا کر نعش ہر عیسیٰ کہتا ہے ناز سے ہو برہم

    اٹھ جلد کھڑے ہیں دیر سے ہم کن نیندوں غافل سوتا ہے

    ہم رو رو اشک بہاتے ہیں وہ طوفاں بیٹھے اٹھاتے ہیں

    یوں ہنس ہنس کر فرماتے ہیں کیوں مرد کا نام ڈبوتا ہے

    کیا سنگ دلی ہے الفت میں ہم جس کی جان سے جاتے ہیں

    انجان وہ بن کر کہتا ہے کیوں جان یہ اپنی کھوتا ہے

    لے دے کے سارے عالم میں ہمدرد جو پوچھو اک دل ہے

    میں دل کے حال پہ روتا ہوں دل میرے حال پہ روتا ہے

    دکھ درد نے ایسا زار کیا اک گام بھی چلنا دوبھر ہے

    چلئے تو جسم زار اپنا خود راہ میں کانٹے بوتا ہے

    وہ امنگ کہاں وہ شباب کہاں ہوئے دونوں نذر عشق مژہ

    پوچھو مت عالم دل کا مرے نشتر سا کوئی چبھوتا ہے

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے