انجمؔ تمہیں الفت ابھی کرنا نہیں آتا
انجمؔ تمہیں الفت ابھی کرنا نہیں آتا
ہر ایک پہ مرتے ہو پہ مرنا نہیں آتا
عالم کے حسیں بھرتے ہیں آنکھوں میں تمہاری
دم عشق کا بھرتے ہو پہ بھرنا نہیں آتا
ہم جان ہی سے اپنی گزر جائیں تو بہتر
ہٹ دھرمی سے ان کو جو گزرنا نہیں آتا
لو نام خدا ہم سے بناتے ہیں وہ باتیں
جن کو کہ ابھی بات بھی کرنا نہیں آتا
کہتے ہو مری لاش پہ مارا ہے یہ کس کا
کیوں جی یہی کہتے تھے مکرنا نہیں آتا
بکھرے ہوئے بالوں میں بھی ہیں لاکھ ادائیں
الھڑ کو ابھی میرے سنورنا نہیں آتا
کیا وصل کی شب کاٹی ہے فقرے ہی بتا کر
سچ ہے کہ تمہیں بات کترنا نہیں آتا
ایسا تو ہمیں پیس کہ ہوں آنکھوں کا سرمہ
اے چرخ تجھے جور بھی کرنا نہیں آتا
حق یہ ہے کہ انجم ترا دل ٹھہرے تو کیوں کر
سینے پہ انہیں ہاتھ بھی دھرنا نہیں آتا
مأخذ:
Deewan-e-Anjum(website) (Pg. 7)
- مصنف: مرزا آسمان جاہ انجم
-
- اشاعت: 1959
- ناشر: راجہ رام کمار بک ڈپو، لکھنؤ
- سن اشاعت: 1959
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
