apna andaz-e-junun sab se juda rakhta hun main

apnā andāz-e-junūñ sab se judā rakhtā huuñ maiñ

chāk-e-dil chāk-e-garebāñ se sivā rakhtā huuñ maiñ

ġhaznavī huuñ aur giraftār-e-ḳham-e-zulf-e-ayāz

but-shikan huuñ aur dil meñ but-kada rakhtā huuñ maiñ

hai ḳhud apnī aag se har paikar-e-gul tābnāk

le havā kī zad pe miTTī kā diyā rakhtā huuñ maiñ

maiñ ki apnī qabr meñ bhī zinda huuñ ghar kī tarah

har kafan ko apne gird ehrām sā rakhtā huuñ maiñ

dasht-e-ġhurbat meñ huuñ āvāra misāl-e-gard-bād

koī manzil hai na koī naqsh-e-pā rakhtā huuñ maiñ

merā saaya bhī nahīñ merā ujāle ke baġhair

aur ujāle kā tasavvur ḳhvāb sā rakhtā huuñ maiñ

apna andaz-e-junun sab se juda rakhta hun main

chaak-e-dil chaak-e-gareban se siwa rakhta hun main

ghaznawi hun aur giraftar-e-KHam-e-zulf-e-ayaz

but-shikan hun aur dil mein but-kada rakhta hun main

hai KHud apni aag se har paikar-e-gul tabnak

le hawa ki zad pe miTTi ka diya rakhta hun main

main ki apni qabr mein bhi zinda hun ghar ki tarah

har kafan ko apne gird ehram sa rakhta hun main

dasht-e-ghurbat mein hun aawara misal-e-gard-baad

koi manzil hai na koi naqsh-e-pa rakhta hun main

mera saya bhi nahin mera ujale ke baghair

aur ujale ka tasawwur KHwab sa rakhta hun main