apna har andaz aankhon ko tar-o-taza laga

apnā har andāz āñkhoñ ko tar-o-tāza lagā

kitne din ke ba.ad mujh ko ā.īna achchhā lagā

saara ārā.ish kā sāmāñ mez par sotā rahā

aur chehra jagmagātā jāgtā hañstā lagā

malgaje kapḌoñ pe us din kis ġhazab kī aab thī

saare din kā kaam us din kis qadar halkā lagā

chaal par phir se numāyāñ thā dil-āvezī kā zo.am

jis ko vāpas aate aate kis qadar arsa lagā

maiñ to apne aap ko us din bahut achchhī lagī

vo jo thak kar der se aayā use kaisā lagā

apna har andaz aankhon ko tar-o-taza laga

kitne din ke baad mujh ko aaina achchha laga

sara aaraish ka saman mez par sota raha

aur chehra jagmagata jagta hansta laga

malgaje kapDon pe us din kis ghazab ki aab thi

sare din ka kaam us din kis qadar halka laga

chaal par phir se numayan tha dil-awezi ka zoam

jis ko wapas aate aate kis qadar arsa laga

main to apne aap ko us din bahut achchhi lagi

wo jo thak kar der se aaya use kaisa laga