aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

apne abru aaine mein dekh kar bismil hua

Imam Bakhsh Nasikh

apne abru aaine mein dekh kar bismil hua

Imam Bakhsh Nasikh

MORE BYImam Bakhsh Nasikh

    apne abrū aa.ine meñ dekh kar bismil huā

    khīñch kar talvār apnā aap vo qātil huā

    bhaag kar kab tujh se jāñ-bar koī ai qātil huā

    uḌ chalā gar hosh apnā tā.ir-e-bismil huā

    ab kahāñ naale ki us lailā maskan dil huā

    thā jaras jo pesh-e-azīñ vo in dinoñ mahmil huā

    nām-e-nek ahal-e-hukūmat ko kahāñ hāsil huā

    ḳhalq meñ mash.hūr ik nau-shervāñ aadil huā

    sar se tak har sanobar faqat kyā dil huā

    dekh kar us sarv-qad ko sarv bhī maa.il huā

    is adā se baaḌh dekhī aap ne talvār

    tā.ir-e-rañg-e-hinā bhī tā.ir-e-bismil huā

    dhyān us ke band karne agar aatā tujhe

    kyuuñ na terā raḳhna-e-dar merā chāk-e-dil huā

    hai ye ġham jāñ-kāh ḳhāl-e-abrū-e-ḳhamdār

    ka.abe meñ kāhīda ho kar sañg-e-asvad dil huā

    jo yahāñ maġhlūb hai uqbā meñ ġhālib hai vahī

    markab-e-maqtūl hai ik roz jo qātil huā

    dho.e haiñ dhobī ne dariyā meñ jo kapḌe yaar ke

    aaj kosoñ tak mo.attar dāman-e-sāhil huā

    dilbarī jab huā us sarv-qāmat ko ḳhayāl

    uzv uzv apnā vahīñ misl-e-sanobar dil huā

    sab ke ḳhāliq ne banā.e kāsa-e-sar vāzhgūñ

    aadmī is par bhī pesh-e-ādmī saa.il huā

    bujh gayā merā charāġh-e-dāġh vasl-e-yār meñ

    nūr-e-mah nazdīkī-e-ḳhurshed se zaa.il huā

    jo parī-rū baiThtā hai aa ke uTh saktā nahīñ

    ab to naqsh-e-boriyā ḳhuub maiñ aamil huā

    jazb-e-jinsiyyat baham rahne nahīñ detā firāq

    kal banā jo jism-e-ḳhākī aaj gil-dar-gil huā

    haa.e kis qātil-adā se shurūa us ne namāz

    niklī jab takbīr us ke muñh se maiñ bismil huā

    kahte haiñ zāhid mirī dīvāngī ko dekh kar

    but-parastī ke sabab qahr-e-ḳhudā nāzil huā

    jab tasavvur yaar bāñdhā ham aap aa.e nazar

    sāmne āñkhoñ ke ā.īna hamārā dil huā

    āshiq-e-be-nañg se hotā hai māshūqoñ ko nañg

    pairahan majnūñ phaT kar parda-e-mahmil huā

    sāmne mere rahā gar shaam se le tā-sahar

    husn meñ gar misl-e-māh-e-chārdah kāmil huā

    rūh-e-'nāsiḳh' hai usī rūh-e-aqdas par nisār

    bārhā jis ke liye rūhul-qudus nāzil huā

    apne abru aaine mein dekh kar bismil hua

    khinch kar talwar apna aap wo qatil hua

    bhag kar kab tujh se jaan-bar koi ai qatil hua

    uD chala gar hosh apna tair-e-bismil hua

    ab kahan nale ki us laila ka maskan dil hua

    tha jaras jo pesh-e-azin wo in dinon mahmil hua

    nam-e-nek ahal-e-hukumat ko kahan hasil hua

    KHalq mein mashhur ek nau-sherwan aadil hua

    sar se pa tak har sanobar hi faqat kya dil hua

    dekh kar us sarw-qad ko sarw bhi mail hua

    is ada se baDh dekhi aap ne talwar ki

    tair-e-rang-e-hina bhi tair-e-bismil hua

    dhyan us ke band karne ka agar aata tujhe

    kyun na tera raKHna-e-dar mera chaak-e-dil hua

    hai ye gham jaan-kah KHal-e-abru-e-KHamdar ka

    kabe mein kahida ho kar sang-e-aswad dil hua

    jo yahan maghlub hai uqba mein ghaalib hai wahi

    markab-e-maqtul hai ek roz jo qatil hua

    dhoe hain dhobi ne dariya mein jo kapDe yar ke

    aaj koson tak moattar daman-e-sahil hua

    dilbari ka jab hua us sarw-qamat ko KHayal

    uzw uzw apna wahin misl-e-sanobar dil hua

    sab ke KHaliq ne banae kasa-e-sar wazhgun

    aadmi is par bhi pesh-e-admi sail hua

    bujh gaya mera charagh-e-dagh wasl-e-yar mein

    nur-e-mah nazdiki-e-KHurshed se zail hua

    jo pari-ru baiThta hai aa ke uTh sakta nahin

    ab to naqsh-e-boriya ka KHub main aamil hua

    jazb-e-jinsiyyat baham rahne nahin deta firaq

    kal bana jo jism-e-KHaki aaj gil-dar-gil hua

    hae kis qatil-ada se ki shurua us ne namaz

    nikli jab takbir us ke munh se main bismil hua

    kahte hain zahid meri diwangi ko dekh kar

    but-parasti ke sabab qahr-e-KHuda nazil hua

    jab tasawwur yar ka bandha hum aap aae nazar

    samne aankhon ke aaina hamara dil hua

    aashiq-e-be-nang se hota hai mashuqon ko nang

    pairahan majnun ka phaT kar parda-e-mahmil hua

    samne mere raha gar sham se le ta-sahar

    husn mein gar misl-e-mah-e-chaardah kaamil hua

    ruh-e-'nasiKH' hai usi ki ruh-e-aqdas par nisar

    barha jis ke liye ruhul-qudus nazil hua

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now