apne guzre hue lamhat zara yaad karo

apne guzre hue lamhāt zarā yaad karo

roz hotī thī mulāqāt zarā yaad karo

kyā suhānī thī ghaḌī kaisā suhānā mausam

chāñd tāroñ kī hasīñ raat zarā yaad karo

tum agar bhuul ga.e ho to koī baat nahīñ

is añgūThī kī vo sauġhāt zarā yaad karo

chhat pe aa jaate the kapḌoñ kā bahānā kar ke

kyā mohabbat ke the jazbāt zarā yaad karo

merī marzī meñ huā kartī thī terī marzī

kitne milte the ḳhayālāt zarā yaad karo

kis qadar merī mohabbat ke zamāna thā ḳhilāf

bas akelī thī mirī zaat zarā yaad karo

ġham ke bādal jo uThā karte the dil par 'ārif'

apne ashkoñ kī vo barsāt zarā yaad karo

apne guzre hue lamhat zara yaad karo

roz hoti thi mulaqat zara yaad karo

kya suhani thi ghaDi kaisa suhana mausam

chand taron ki hasin raat zara yaad karo

tum agar bhul gae ho to koi baat nahin

is anguThi ki wo saughat zara yaad karo

chhat pe aa jate the kapDon ka bahana kar ke

kya mohabbat ke the jazbaat zara yaad karo

meri marzi mein hua karti thi teri marzi

kitne milte the KHayalat zara yaad karo

kis qadar meri mohabbat ke zamana tha KHilaf

bas akeli thi meri zat zara yaad karo

gham ke baadal jo uTha karte the dil par 'arif'

apne ashkon ki wo barsat zara yaad karo