apne hone ki tab-o-tab se bahar na hue

apne hone kī tab-o-tāb se bāhar na hue

ham haiñ vo siip jo āzāda-e-gauhar na hue

harf-e-be-saut kī mānind rahe duniyā meñ

dasht-e-imkāñ meñ khule naqsh-e-musavvir na hue

phuul ke rañg sar-e-shāḳh-e-ḳhizāñ bhī chamke

qaidī-e-rasm-e-chaman ḳhaak ke jauhar na hue

thak ke girte bhī nahīñ ghar ko palaTte bhī nahīñ

najm-e-aflāk hue aas ke taa.ir na hue

us kī galiyoñ meñ rahe gard-e-safar kī sūrat

sañg-e-manzil na bane raah kā patthar na hue

apnī nākām umīdoñ ke ḳham-o-pech meñ gum

abr-e-kam-āb the ham rizq-e-samundar na hue

apne hone ki tab-o-tab se bahar na hue

hum hain wo sip jo aazada-e-gauhar na hue

harf-e-be-saut ki manind rahe duniya mein

dasht-e-imkan mein khule naqsh-e-musawwir na hue

phul ke rang sar-e-shaKH-e-KHizan bhi chamke

qaidi-e-rasm-e-chaman KHak ke jauhar na hue

thak ke girte bhi nahin ghar ko palaTte bhi nahin

najm-e-aflak hue aas ke tair na hue

us ki galiyon mein rahe gard-e-safar ki surat

sang-e-manzil na bane rah ka patthar na hue

apni nakaam umidon ke KHam-o-pech mein gum

abr-e-kam-ab the hum rizq-e-samundar na hue