apne markaz se agar dur nikal jaoge

Iqbal Azeem

apne markaz se agar dur nikal jaoge

Iqbal Azeem

MORE BY Iqbal Azeem

    apne markaz se agar duur nikal jāoge

    ḳhvāb ho jāoge afsānoñ meñ Dhal jāoge

    ab to chehroñ ke ḳhad-o-ḳhāl bhī pahle se nahīñ

    kis ko ma.alūm thā tum itne badal jāoge

    apne parcham kahīñ rañg bhulā mat denā

    surḳh sho.aloñ se jo kheloge to jal jāoge

    de rahe haiñ tumheñ to log rifāqat fareb

    un tārīḳh paḌhoge to dahal jāoge

    apnī miTTī pe chalne salīqa sīkho

    sañg-e-marmar pe chaloge to phisal jāoge

    ḳhvāb-gāhoñ se nikalte hue Darte kyuuñ ho

    dhuup itnī to nahīñ hai ki pighal jāoge

    tez qadmoñ se chalo aur tasādum se bacho

    bhiiḌ meñ sust chaloge to kuchal jāoge

    ham-safar DhūñDo na rahbar sahārā chāho

    Thokareñ khāoge to ḳhud sambhal jāoge

    tum ho ik zinda-e-jāved rivāyat ke charāġh

    tum koī shaam sūraj ho ki Dhal jāoge

    sub.h-e-sādiq mujhe matlūb hai kis se māñgūñ

    tum to bhole ho charāġhoñ se bahal jāoge

    apne markaz se agar dur nikal jaoge

    KHwab ho jaoge afsanon mein Dhal jaoge

    ab to chehron ke KHad-o-KHal bhi pahle se nahin

    kis ko malum tha tum itne badal jaoge

    apne parcham ka kahin rang bhula mat dena

    surKH shoalon se jo kheloge to jal jaoge

    de rahe hain tumhein to log rifaqat ka fareb

    un ki tariKH paDhoge to dahal jaoge

    apni miTTi hi pe chalne ka saliqa sikho

    sang-e-marmar pe chaloge to phisal jaoge

    KHwab-gahon se nikalte hue Darte kyun ho

    dhup itni to nahin hai ki pighal jaoge

    tez qadmon se chalo aur tasadum se bacho

    bhiD mein sust chaloge to kuchal jaoge

    ham-safar DhunDo na rahbar ka sahaara chaho

    Thokaren khaoge to KHud hi sambhal jaoge

    tum ho ek zinda-e-jawed riwayat ke charagh

    tum koi sham ka suraj ho ki Dhal jaoge

    subh-e-sadiq mujhe matlub hai kis se mangun

    tum to bhole ho charaghon se bahal jaoge

    Videos
    This video is playing from YouTube

    Videos
    This video is playing from YouTube

    Iqbal Azeem

    Iqbal Azeem

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites