apni aaghosh mein paoge bula kar dekho

apnī āġhosh meñ pāoge bulā kar dekho

sirf āvāz mohabbat se lagā kar dekho

maiñ ne chāhā tumheñ puujā tumheñ apnā jaanā

tum bhī ik baar mujhe apnā banā kar dekho

tum mujhe bhuul na pāoge ye dā'vā hai mirā

apnī palkoñ pe mire ḳhvāb sajā kar dekho

kaisī kaisī mirī āñkhoñ meñ hai duniyā ābād

aao ik baar mire ḳhvāb meñ aa kar dekho

tum mire naam kī ḳhushbū se mahak jāoge

dil ke āñgan meñ kabhī phuul khilā kar dekho

dil hai bechain to pal bhar meñ qarār aa.egā

merī tasvīr ko siine se lagā kar dekho

mujh ko mā'lūm hai baiThā huuñ tumhāre dil meñ

tum mujhe bhuul na pāoge bhulā kar dekho

phir bahak jā.ūñ to merā bhī 'malik' naam nahīñ

apnī āñkhoñ se kabhī mujh ko pilā kar dekho

apni aaghosh mein paoge bula kar dekho

sirf aawaz mohabbat se laga kar dekho

main ne chaha tumhein puja tumhein apna jaana

tum bhi ek bar mujhe apna bana kar dekho

tum mujhe bhul na paoge ye da'wa hai mera

apni palkon pe mere KHwab saja kar dekho

kaisi kaisi meri aankhon mein hai duniya aabaad

aao ek bar mere KHwab mein aa kar dekho

tum mere nam ki KHushbu se mahak jaoge

dil ke aangan mein kabhi phul khila kar dekho

dil hai bechain to pal bhar mein qarar aaega

meri taswir ko sine se laga kar dekho

mujh ko ma'lum hai baiTha hun tumhaare dil mein

tum mujhe bhul na paoge bhula kar dekho

phir bahak jaun to mera bhi 'malik' nam nahin

apni aankhon se kabhi mujh ko pila kar dekho