apni har baat zamane se chhupani paDi thi
apnī har baat zamāne se chhupānī paḌī thī
phir bhī jis aañkh meñ dekhā to kahānī paḌī thī
maiñ ne kuchh rañg churā.e the kisī titlī ke
aur phir umr hifāzat meñ bitānī paḌī thī
kal kisī ishq ke bīmār pe dam karnā thā
pīr-e-kāmil ko ġhazal merī sunānī paḌī thī
kūcha-e-ishq se nākām palaTne vaale
tū ne dekhā thā vahāñ merī javānī paḌī thī
dil na sah paayā kisī aur se qurbat us kī
mujh ko dīvār se tasvīr haTānī paḌī thī
maiñ bahut jald buḌhāpe meñ chalā aayā thā
bin tire umr kī raftār baḌhānī paḌī thī
us kī hasrat kā badan barf na ho jaa.e kahīñ
apne siine meñ mujhe aag lagānī paḌī thī
tere 'mumtāz' ko ġham maut kā bas is liye hai
apne bāloñ meñ tujhe ḳhaak ravānī paḌī thī
apni har baat zamane se chhupani paDi thi
phir bhi jis aankh mein dekha to kahani paDi thi
main ne kuchh rang churae the kisi titli ke
aur phir umr hifazat mein bitani paDi thi
kal kisi ishq ke bimar pe dam karna tha
pir-e-kaamil ko ghazal meri sunani paDi thi
kucha-e-ishq se nakaam palaTne wale
tu ne dekha tha wahan meri jawani paDi thi
dil na sah paya kisi aur se qurbat us ki
mujh ko diwar se taswir haTani paDi thi
main bahut jald buDhape mein chala aaya tha
bin tere umr ki raftar baDhani paDi thi
us ki hasrat ka badan barf na ho jae kahin
apne sine mein mujhe aag lagani paDi thi
tere 'mumtaz' ko gham maut ka bas is liye hai
apne baalon mein tujhe KHak rawani paDi thi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
