apni jaanib se yun tanha na kiya jata use

apnī jānib se yuuñ tanhā na kiyā jaatā use

achchhā hotā jo koī Toktā samjhātā use

baa'z mauqoñ pe nahīñ koī bhī saanī us kā

baa'z mauqoñ pe zarā pyaar nahīñ aatā use

mujh ko hotā na agar us se bichhaḌne kā ḳhauf

ḳhud se auroñ ko bhī milte hue dikhlātā use

ek manzar mirī āñkhoñ kī chhuvan se mahrūm

sāmne hotā hai maiñ dekh nahīñ paatā use

apni jaanib se yun tanha na kiya jata use

achchha hota jo koi Tokta samjhata use

ba'z mauqon pe nahin koi bhi sani us ka

ba'z mauqon pe zara pyar nahin aata use

mujh ko hota na agar us se bichhaDne ka KHauf

KHud se auron ko bhi milte hue dikhlata use

ek manzar meri aankhon ki chhuwan se mahrum

samne hota hai main dekh nahin pata use