apni palkon ko uThao to ghazal ho jae

apnī palkoñ ko uThāo to ġhazal ho jaa.e

ham se nazreñ jo milāo to ġhazal ho jaa.e

so.e ehsās jagāo to ġhazal ho jaa.e

aag paanī meñ lagāo to ġhazal ho jaa.e

mere ash'ār ko achchhā sā tarannum de kar

apne hoñToñ pe sajāo to ġhazal ho jaa.e

shab-e-tābāñ ko zarā aur nikhar jaane do

hausle aur baḌhāo to ġhazal ho jaa.e

apnī maḳhmūr nigāheñ na haTānā mujh se

mujh ko mad.hosh banāo to ġhazal ho jaa.e

harf se lafz buno lafz se ash'ār buno

yuuñ taḳhayyul ko sajāo to ġhazal ho jaa.e

tum ne 'maz.har' ko jalāyā hai ġham-e-furqat meñ

vasl kī sham'eñ jalāo to ġhazal ho jaa.e

apni palkon ko uThao to ghazal ho jae

hum se nazren jo milao to ghazal ho jae

soe ehsas jagao to ghazal ho jae

aag pani mein lagao to ghazal ho jae

mere ash'ar ko achchha sa tarannum de kar

apne honTon pe sajao to ghazal ho jae

shab-e-taban ko zara aur nikhar jaane do

hausle aur baDhao to ghazal ho jae

apni maKHmur nigahen na haTana mujh se

mujh ko madhosh banao to ghazal ho jae

harf se lafz buno lafz se ash'ar buno

yun taKHayyul ko sajao to ghazal ho jae

tum ne 'mazhar' ko jalaya hai gham-e-furqat mein

wasl ki sham'en jalao to ghazal ho jae