apnon hi pe hoti hai har mashq-e-jafa pahle

apnoñ hī pe hotī hai har mashq-e-jafā pahle

kī chaak bahāroñ ne phūloñ kī qabā pahle

us ke liye uTThe the go dast-e-duā pahle

bīmār kī qismat se aa pahuñchī qazā pahle

ab un kī jafāoñ kā kyoñ dahr se shikva hai

Daalī thī hamīñ ne to buniyād-e-vafā pahle

mahsūs ye hotā hai jaise kabhī dekhā ho

ai dost magar tujh ko dekhā to na thā pahle

bīmār-e-mohabbat ke andāz batāte haiñ

tadbīr-o-davā āḳhir taqdīr-o-duā pahle

kyā fikr hai dīvāne mil jā.eñge phir vo bhī

tū chāk-e-garebāñ ko dāman se milā pahle

'shauq' us ke tajassus meñ ye haal bhī guzrā hai

pūchhā hai zamāne se apnā hī patā pahle

apnon hi pe hoti hai har mashq-e-jafa pahle

ki chaak bahaaron ne phulon ki qaba pahle

us ke liye uTThe the go dast-e-dua pahle

bimar ki qismat se aa pahunchi qaza pahle

ab un ki jafaon ka kyon dahr se shikwa hai

Dali thi hamin ne to buniyaad-e-wafa pahle

mahsus ye hota hai jaise kabhi dekha ho

ai dost magar tujh ko dekha to na tha pahle

bimar-e-mohabbat ke andaz batate hain

tadbir-o-dawa aaKHir taqdir-o-dua pahle

kya fikr hai diwane mil jaenge phir wo bhi

tu chaak-e-gareban ko daman se mila pahle

'shauq' us ke tajassus mein ye haal bhi guzra hai

puchha hai zamane se apna hi pata pahle