apnon ki zaban aur hai ghairon ki zaban aur

apnoñ kī zabāñ aur hai ġhairoñ kī zabāñ aur

phūloñ ke nishāñ aur haiñ kāñToñ ke nishāñ aur

har samt vahī barq vahī aag ke sho'le

ābād kahāñ jā ke kareñ dil kā jahāñ aur

ab aur na ġham do ki nikal ā.eñge aañsū

bhaḌkegī agar aag to uTThegā dhuāñ aur

niklo to sahī ghar se koī le ke irāda

kaam aa.egā phir aap ke ye 'azm-e-javāñ aur

tum duur chale jāoge jab chhoḌ ke tanhā

rah rah ke satā.egā mujhe dard-e-nihāñ aur

sadmāt ke is bojh se maiñ Tuut gayā huuñ

uThne kā nahīñ mujh se ye ab bār-e-garāñ aur

kyā sach hai 'kañval' jhuuT hai kyā kaun batā.e

zaḳhmoñ ke bayāñ aur haiñ qātil kā bayāñ aur

apnon ki zaban aur hai ghairon ki zaban aur

phulon ke nishan aur hain kanTon ke nishan aur

har samt wahi barq wahi aag ke sho'le

aabaad kahan ja ke karen dil ka jahan aur

ab aur na gham do ki nikal aaenge aansu

bhaDkegi agar aag to uTThega dhuan aur

niklo to sahi ghar se koi le ke irada

kaam aaega phir aap ke ye 'azm-e-jawan aur

tum dur chale jaoge jab chhoD ke tanha

rah rah ke sataega mujhe dard-e-nihan aur

sadmat ke is bojh se main Tut gaya hun

uThne ka nahin mujh se ye ab bar-e-garan aur

kya sach hai 'kanwal' jhuT hai kya kaun batae

zaKHmon ke bayan aur hain qatil ka bayan aur