aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aql ne lakh andheron mein chhupaya hai tujhe

Noor Bijnauri

aql ne lakh andheron mein chhupaya hai tujhe

Noor Bijnauri

MORE BYNoor Bijnauri

    aql ne laakh añdheroñ meñ chhupāyā hai tujhe

    merā vijdān magar chuum ke aayā hai tujhe

    vo tilismāt nazar aa.e ki dekhe na sune

    jab bhī āñkhoñ ke charāġhoñ meñ jalāyā hai tujhe

    raat bhīgī hai to chheḌā hai tire dard saaz

    chāñd niklā hai to chupke se jagāyā hai tujhe

    maiñ to kyā vaqt bhī ab chhū na sakegā tujh ko

    ishq ne masnad-e-yazdāñ pe biThāyā hai tujhe

    vo tirā husn ki ḳhīra thī zamāne nazar

    ye mirā fan ki tirā aks dikhāyā hai tujhe

    aaj bhī zehan meñ bijlī chamak uThtī hai

    kaun bholā hai tujhe kis ne bhulāyā hai tujhe

    jagmagātī hai mirī ruuh to maiñ sochtā huuñ

    maiñ ne khoyā hai mirī jaan ki paayā hai tujhe

    aql ne lakh andheron mein chhupaya hai tujhe

    mera wijdan magar chum ke aaya hai tujhe

    wo tilismat nazar aae ki dekhe na sune

    jab bhi aankhon ke charaghon mein jalaya hai tujhe

    raat bhigi hai to chheDa hai tere dard ka saz

    chand nikla hai to chupke se jagaya hai tujhe

    main to kya waqt bhi ab chhu na sakega tujh ko

    ishq ne masnad-e-yazdan pe biThaya hai tujhe

    wo tera husn ki KHira thi zamane ki nazar

    ye mera fan ki tera aks dikhaya hai tujhe

    aaj bhi zehan mein bijli si chamak uThti hai

    kaun bhola hai tujhe kis ne bhulaya hai tujhe

    jagmagati hai meri ruh to main sochta hun

    main ne khoya hai meri jaan ki paya hai tujhe

    Source:

    Funoon(Jadeed Ghazal Number: Volume-002) (Pg. 390)

      • Edition: 1969
      • Publisher: Ahmad Nadeem Qasmi
      • Year of Publication: 1969
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now