are tauba uzr-e-jafa karun kabhi zarf aisa mera nahin

are tauba uzr-e-jafā karūñ kabhī zarf aisā mirā nahīñ

vo miTā deñ chāhe abhī mujhe koī shikva gila nahīñ

tū uThā de parda to dekh luuñ kise hosh hai tujhe dekh kar

abhī har nigāh hai mudda.ī koī parda jabki uThā nahīñ

maiñ samajh gayā jo hai ka.aba meñ mujhe ittifāq hai dair se

maiñ fareb-e-jalva na khā.ūñgā koī aur tere sivā nahīñ

mujhe zauq-e-uzr-e-sitam sahī magar us kā itnā malāl kyoñ

jo gila bhī hai vo hai aap se kisī ġhair se to gila nahīñ

vo burī kaTe mirī zindagī mujhe fikr us kī nahīñ 'shafī.a'

vo bigaḌ ke merā kareñge kyā koī but ye mere ḳhudā nahīñ

are tauba uzr-e-jafa karun kabhi zarf aisa mera nahin

wo miTa den chahe abhi mujhe koi shikwa gila nahin

tu uTha de parda to dekh lun kise hosh hai tujhe dekh kar

abhi har nigah hai muddai koi parda jabki uTha nahin

main samajh gaya jo hai kaba mein mujhe ittifaq hai dair se

main fareb-e-jalwa na khaunga koi aur tere siwa nahin

mujhe zauq-e-uzr-e-sitam sahi magar us ka itna malal kyon

jo gila bhi hai wo hai aap se kisi ghair se to gila nahin

wo buri kaTe meri zindagi mujhe fikr us ki nahin 'shafia'

wo bigaD ke mera karenge kya koi but ye mere KHuda nahin