arz-e-gham kabhi uske ru-baru bhi ho jae

'arz-e-ġham kabhī us ke rū-barū bhī ho jaa.e

shā'irī to hotī hai guftugū bhī ho jaa.e

zaḳhm-e-hijr bharne se yaad to nahīñ jaatī

kuchh nishāñ to rahte haiñ dil rafū bhī ho jaa.e

rind haiñ bhare baiThe aur mai-kada ḳhālī

kyā bane jo aise meñ ek hū bhī ho jaa.e

maiñ idhar tan-e-tanhā aur udhar zamāna hai

vaa.e gar zamāne ke saath tū bhī ho jaa.e

pahlī nā-murādī kā dukh kahāñ bisartā hai

baa'd meñ agar koī surḳh-rū bhī ho jaa.e

dīn-o-dil to de baiThe ab 'farāz' kyā ġham hai

kū-e-yār meñ ġhārat aabrū bhī ho jaa.e

'arz-e-gham kabhi us ke ru-baru bhi ho jae

sha'iri to hoti hai guftugu bhi ho jae

zaKHm-e-hijr bharne se yaad to nahin jati

kuchh nishan to rahte hain dil rafu bhi ho jae

rind hain bhare baiThe aur mai-kada KHali

kya bane jo aise mein ek hu bhi ho jae

main idhar tan-e-tanha aur udhar zamana hai

wae gar zamane ke sath tu bhi ho jae

pahli na-muradi ka dukh kahan bisarta hai

ba'd mein agar koi surKH-ru bhi ho jae

din-o-dil to de baiThe ab 'faraaz' kya gham hai

ku-e-yar mein ghaarat aabru bhi ho jae