اشک پلکوں پہ جب بھی آتا ہے

اشک پلکوں پہ جب بھی آتا ہے

عکس آنکھوں میں تھرتھراتا ہے

گھیر لیتا ہے مجھ کو سناٹا

جب بھی سورج اتر کے جاتا ہے

کس نے پوچھا ہم ایسے مفلس کو

کون ہے جو ہمیں بلاتا ہے

فخر سے ہم جو ڈالتے ہیں نظر

آئنہ ہم پہ مسکراتا ہے

ہم تو کہتے ہیں اس کو پاگلپن

ریت پر گھر کوئی بناتا ہے

کل جو ٹپکا تھا میری آنکھوں سے

وے ستاروں میں جگمگاتا ہے

خواب بہنے لگے ہیں اشکوں سے

کون سا غم اسے رلاتا ہے

رک جا کچھ دیر میری باہوں میں

باغ جنت سے کون جاتا ہے