اشکوں کا انبار چھپا ہے آنکھوں میں

اشکوں کا انبار چھپا ہے آنکھوں میں

یار بہت آزار چھپا ہے آنکھوں میں

پھول ستارے جگنو تتلی اور دھنک

یعنی اک سنسار چھپا ہے آنکھوں میں

جھانک کے تو خود اک دن ان میں دیکھ ذرا

کتنا تیرا پیار چھپا ہے آنکھوں میں

میری آنکھیں سب سے زیادہ ہیں انمول

کیوں کہ میرا یار چھپا ہے آنکھوں میں

ایک زلیخا اس میں یوسف ڈھونڈھتی ہے

مصر کا جو بازار چھپا ہے آنکھوں میں

اکثر آتا رہتا ہے سیلاب یہاں

تو آ کے بے کار چھپا ہے آنکھوں میں

ہم دونوں نے مل کے جس کے خواب بنے

یار وہی گھر بار چھپا ہے آنکھوں میں