asir-e-dam-e-harifan hain aap bhi hum bhi

asīr-e-dām-e-harīfāñ haiñ aap bhī ham bhī

haqīqatoñ se gurezāñ haiñ aap bhī ham bhī

fasād-e-mausam-e-barq-o-sharar guzar jaa.e

to mīr-e-sub.h-e-daraḳhshāñ haiñ aap bhī ham bhī

mizāj-e-ġhuncha-o-gul ham agar samajh jaa.eñ

to phir ḳhudā-e-gulistāñ haiñ aap bhī ham bhī

ab aur apne dukhoñ meñ na ham izāfa kareñ

ki dukh se dast-o-garebāñ haiñ aap bhī ham bhī

chalo ki sozan-e-mizhgāñ se chāk-e-dil sī leñ

gadā-e-be-sar-o-sāmāñ haiñ aap bhī ham bhī

chalo ridā-e-mohabbat se jism-o-jāñ Dhāñpeñ

hujūm-e-dahr meñ 'uryāñ haiñ aap bhī ham bhī

chalo ki ham na.e sāñche meñ zindagī Dhāleñ

'adāvatoñ se pareshāñ haiñ aap bhī ham bhī

chalo ki donoñ chaman ḳhushbuoñ se mahkā deñ

nasīm-e-amn ke ḳhvāhāñ haiñ aap bhī ham bhī

asir-e-dam-e-harifan hain aap bhi hum bhi

haqiqaton se gurezan hain aap bhi hum bhi

fasad-e-mausam-e-barq-o-sharar guzar jae

to mir-e-subh-e-daraKHshan hain aap bhi hum bhi

mizaj-e-ghuncha-o-gul hum agar samajh jaen

to phir KHuda-e-gulistan hain aap bhi hum bhi

ab aur apne dukhon mein na hum izafa karen

ki dukh se dast-o-gareban hain aap bhi hum bhi

chalo ki sozan-e-mizhgan se chaak-e-dil si len

gada-e-be-sar-o-saman hain aap bhi hum bhi

chalo rida-e-mohabbat se jism-o-jaan Dhanpen

hujum-e-dahr mein 'uryan hain aap bhi hum bhi

chalo ki hum nae sanche mein zindagi Dhaalen

'adawaton se pareshan hain aap bhi hum bhi

chalo ki donon chaman KHushbuon se mahka den

nasim-e-amn ke KHwahan hain aap bhi hum bhi