auqat-e-shaiKH go ki sujud o qayam hai

Shaikh Zahuruddin Hatim

auqat-e-shaiKH go ki sujud o qayam hai

Shaikh Zahuruddin Hatim

MORE BYShaikh Zahuruddin Hatim

    auqāt-e-shaiḳh go ki sujūd o qayām hai

    mere kane to ek ḳhudā naam hai

    har sub.h uTh butoñ se mujhe raam raam hai

    zāhid tirī namāz ko merā salām hai

    terī nigah ke daur meñ aisā huā huuñ mast

    sāġhar se mujh ko aañkh milānā harām hai

    ham aur terī shikāyateñ zālim ḳhudā se Dar

    bohtān hai ġhalat hai ye mahz ittihām hai

    din ko na bhuuk hai na mujhe raat ko hai niiñd

    is rozgār meñ ye mirī sub.h o shaam hai

    martā huuñ aa ke dekh tire intizār meñ

    varna sunegā ab koī dam ko tamām hai

    qāsid kahāñ chalā hai mujhe bhī ḳhabar to de

    yak dam baiTh ki mujhe tujh se kaam hai

    tujh ko qasam ḳhudā jo jaatā hai us taraf

    bhūliyo na itnā merā payām hai

    kahiyo mirī taraf se na pahuñchā mirā javāb

    itnā dimāġh kyā tirā 'hātim' ġhulām hai

    qāsid se us ne sun ke haqīqat kahā ki vaah

    kyā ḳhuub is suḳhan koī ye maqām hai

    kahnā use yahī ki ai bul-havas hanūz

    āshiq huā to par ye tirā ishq ḳhaam hai

    ma.ashūq janāb meñ koī bhī be-adab

    bolā hai is tarah se jo terā kalām hai

    auqat-e-shaiKH go ki sujud o qayam hai

    mere kane to ek KHuda hi ka nam hai

    har subh uTh buton se mujhe ram ram hai

    zahid teri namaz ko mera salam hai

    teri nigah ke daur mein aisa hua hun mast

    saghar se mujh ko aankh milana haram hai

    hum aur teri shikayaten zalim KHuda se Dar

    bohtan hai ghalat hai ye mahz ittiham hai

    din ko na bhuk hai na mujhe raat ko hai nind

    is rozgar mein ye meri subh o sham hai

    marta hun aa ke dekh tere intizar mein

    warna sunega ab koi dam ko tamam hai

    qasid kahan chala hai mujhe bhi KHabar to de

    yak dam tu baiTh ja ki mujhe tujh se kaam hai

    tujh ko qasam KHuda ki jo jata hai us taraf

    tu bhuliyo na itna hi mera payam hai

    kahiyo meri taraf se na pahuncha mera jawab

    itna dimagh kya tera 'hatim' ghulam hai

    qasid se us ne sun ke haqiqat kaha ki wah

    kya KHub is suKHan ka koi ye maqam hai

    kahna use yahi tu ki ai bul-hawas hanuz

    aashiq hua to par ye tera ishq KHam hai

    mashuq ki janab mein koi bhi be-adab

    bola hai is tarah se jo tera kalam hai

    Source :
    • Book : Diwan-e-Zadah (Pg. 297)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY