aur kuchh is ke siwa ahl-e-nazar jaante hain

Fareed Parbati

aur kuchh is ke siwa ahl-e-nazar jaante hain

Fareed Parbati

MORE BYFareed Parbati

    aur kuchh is ke sivā ahl-e-nazar jānte haiñ

    pagḌiyāñ apnī bachāne hunar jānte haiñ

    ik sitāre ko ziyā-bār dikhāne ke liye

    vo bujhā.eñge sabhī shams-o-qamar jānte haiñ

    ḳhvāb meñ dekhte haiñ khiḌkiyāñ har ghar khulī

    duur ho jā.egā ab shahr se Dar jānte haiñ

    mezbānī thī kabhī jin meñ mayassar terī

    palaT ā.eñge vahī shām-o-sahar jānte haiñ

    tirī jholī meñ sitāre ye nahīñ girne ke

    har talabgār vo tarz-e-nazar jānte haiñ

    ye jo sustāne yahāñ aate haiñ sāhab ik din

    saa.e ke saath vo māñgeñge shajar jānte haiñ

    tez āñdhī se diye saare bachāne ko 'farīd'

    ḳhud ko rakkhegā sar-e-rāhguzar jānte haiñ

    aur kuchh is ke siwa ahl-e-nazar jaante hain

    pagDiyan apni bachane ka hunar jaante hain

    ek sitare ko ziya-bar dikhane ke liye

    wo bujhaenge sabhi shams-o-qamar jaante hain

    KHwab mein dekhte hain khiDkiyan har ghar ki khuli

    dur ho jaega ab shahr se Dar jaante hain

    mezbani thi kabhi jin mein mayassar teri

    palaT aaenge wahi sham-o-sahar jaante hain

    teri jholi mein sitare ye nahin girne ke

    har talabgar ka wo tarz-e-nazar jaante hain

    ye jo sustane yahan aate hain sahab ek din

    sae ke sath wo mangenge shajar jaante hain

    tez aandhi se diye sare bachane ko 'farid'

    KHud ko rakkhega sar-e-rahguzar jaante hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY