awwal to main rukta nahin aur jis se rukun main

avval to maiñ ruktā nahīñ aur jis se rukūñ maiñ

tā-hashr ye mumkin nahīñ phir us se milūñ meñ

ye aur sunā.ī ki mirī baat to sun le

jo terī kahe aan ke us kī na sunūñ maiñ

ye ḳhuub kahī dekheñge kab tak na milegā

is baat pe gar chāho to ab sharm karūñ maiñ

aapas meñ agar charḳh-o-zamīñ dinoñ ye mil jaa.eñ

to bhī na kabhī tujh se milā huuñ na milūñ maiñ

tab naam hai 'mārūf' dharā rah to sahī jab

chhātī pe tirī āTh-pahr muuñg dalūñ maiñ

awwal to main rukta nahin aur jis se rukun main

ta-hashr ye mumkin nahin phir us se milun mein

ye aur sunai ki meri baat to sun le

jo teri kahe aan ke us ki na sunun main

ye KHub kahi dekhenge kab tak na milega

is baat pe gar chaho to ab sharm karun main

aapas mein agar charKH-o-zamin dinon ye mil jaen

to bhi na kabhi tujh se mila hun na milun main

tab nam hai 'maruf' dhara rah to sahi jab

chhati pe teri aaTh-pahr mung dalun main