aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

azab-e-did mein aankhen lahu lahu kar ke

Mohsin Naqvi

azab-e-did mein aankhen lahu lahu kar ke

Mohsin Naqvi

MORE BYMohsin Naqvi

    azāb-e-dīd meñ āñkheñ lahū lahū kar ke

    maiñ sharmsār huā terī justujū kar ke

    khañDar tah se burīda-badan saroñ ke sivā

    milā na kuchh bhī ḳhazānoñ aarzū kar ke

    sunā hai shahr meñ zaḳhmī diloñ mela hai

    chaleñge ham bhī magar pairahan rafū kar ke

    masāfat-e-shab-e-hijrāñ ke baa'd bhed khulā

    havā dukhī hai charāġhoñ aabrū kar ke

    zamīñ pyaas usī ke lahū ko chaaT ga.ī

    vo ḳhush huā thā samundar ko aabjū kar ke

    ye kis ne ham se lahū ḳhirāj phir māñgā

    abhī to so.e the maqtal ko surḳh-rū kar ke

    julūs-e-ahl-e-vafā kis ke dar pe pahuñchā hai

    nishān-e-tauq-e-vafā zīnat-e-gulū kar ke

    ujaaḌ rut ko gulābī banā.e rakhtī hai

    hamārī aañkh tirī diid se vuzū kar ke

    koī to habs-e-havā se ye pūchhtā 'mohsin'

    milā hai kyā use kaliyoñ ko be-numū kar ke

    azab-e-did mein aankhen lahu lahu kar ke

    main sharmsar hua teri justuju kar ke

    khanDar ki tah se burida-badan saron ke siwa

    mila na kuchh bhi KHazanon ki aarzu kar ke

    suna hai shahr mein zaKHmi dilon ka mela hai

    chalenge hum bhi magar pairahan rafu kar ke

    masafat-e-shab-e-hijran ke ba'd bhed khula

    hawa dukhi hai charaghon ki aabru kar ke

    zamin ki pyas usi ke lahu ko chaT gai

    wo KHush hua tha samundar ko aabju kar ke

    ye kis ne hum se lahu ka KHiraj phir manga

    abhi to soe the maqtal ko surKH-ru kar ke

    julus-e-ahl-e-wafa kis ke dar pe pahuncha hai

    nishan-e-tauq-e-wafa zinat-e-gulu kar ke

    ujaD rut ko gulabi banae rakhti hai

    hamari aankh teri did se wuzu kar ke

    koi to habs-e-hawa se ye puchhta 'mohsin'

    mila hai kya use kaliyon ko be-numu kar ke

    Source:

    Kulliyat-e-mohsin (Pg. 728)

    • Author: Mohsin Naqvi
      • Edition: 2010
      • Publisher: Mavra Publishers
      • Year of Publication: 2010
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now