azab-e-hasrat-o-alam se nikal jao

azāb-e-hasrat-o-ālam se nikal jaao

mirī sahar se mirī shaam se nikal jaao

bahāna chāhiye ghar se koī nikalne ko

kisī talab meñ kisī kaam se nikal jaao

hamāre ḳhāna-e-dil meñ raho sukūn ke saath

nikalnā chāho to ārām se nikal jaao

ḳhudā nasīb kare tum ko be-gharī kā mazāq

hisār-e-shuq-e-dar-o-bām se nikal jaao

safar hai shart musāfir-navāz bahutere

kisī taraf bhī kisī kaam se nikal jaao

nikāl pheñko diloñ se but-e-buġhz-o-inād

nahīñ to halqa-e-islām se nikal jaao

azab-e-hasrat-o-alam se nikal jao

meri sahar se meri sham se nikal jao

bahana chahiye ghar se koi nikalne ko

kisi talab mein kisi kaam se nikal jao

hamare KHana-e-dil mein raho sukun ke sath

nikalna chaho to aaram se nikal jao

KHuda nasib kare tum ko be-ghari ka mazaq

hisar-e-shuq-e-dar-o-baam se nikal jao

safar hai shart musafir-nawaz bahutere

kisi taraf bhi kisi kaam se nikal jao

nikal phenko dilon se but-e-bughz-o-inad

nahin to halqa-e-islam se nikal jao