ba-zahir tujhse milne ka koi imkan nahin hai

ba-zāhir tujh se milne kā koī imkāñ nahīñ hai

dilāsoñ se bahaltā ye dil-e-nādāñ nahīñ hai

chaman meñ laakh bhī barse agar abr-e-bahārāñ

to naḳhl-e-dil harā hone kā kuchh imkāñ nahīñ hai

havā-e-vaqt ne jis basti-e-dil ko ujāḌā hai

use ābād karnā kaam kuchh āsāñ nahīñ hai

vo ik dīvār hai haa.il hamāre darmiyāñ jo

kisī rauzan kā us meñ ab koī imkāñ nahīñ hai

agarche khā ga.ī dīmak ġhamoñ kī bām-o-dar ko

magar TuuTī abhī tak ye fasīl-e-jāñ nahīñ hai

tumhārī ruuh 'bushrā' qaid hai tan ke qafas meñ

ise āzād karnā mo.ajaza āsāñ nahīñ hai

ba-zahir tujh se milne ka koi imkan nahin hai

dilason se bahalta ye dil-e-nadan nahin hai

chaman mein lakh bhi barse agar abr-e-bahaaran

to naKHl-e-dil hara hone ka kuchh imkan nahin hai

hawa-e-waqt ne jis basti-e-dil ko ujaDa hai

use aabaad karna kaam kuchh aasan nahin hai

wo ek diwar hai hail hamare darmiyan jo

kisi rauzan ka us mein ab koi imkan nahin hai

agarche kha gai dimak ghamon ki baam-o-dar ko

magar TuTi abhi tak ye fasil-e-jaan nahin hai

tumhaari ruh 'bushra' qaid hai tan ke qafas mein

ise aazad karna moajaza aasan nahin hai