baad muddat ke kabhi mujhse mili kahne lagi

ba.ad muddat ke kabhī mujh se milī kahne lagī

merī parchhā.ī bhī mujh ko ajnabī kahne lagī

vo kahā maiñ ne zabāñ se jo mire dil meñ na thā

mere dil kī baat merī ḳhāmushī kahne lagī

zarra zarra hai yahāñ raushan usī ke nuur se

maiñ usī kī ik shuā huuñ raushnī kahne lagī

dekh kar ūñchā.ī mere ḳhvāb kī parvāz kī

maiñ huuñ bebas tere aage bebasī kahne lagī

tū kahāñ rahtī hai pūchhā thā kisī ne ek din

maiñ ġhamoñ ke saath rahtī huuñ ḳhushī kahne lagī

baad muddat ke kabhi mujh se mili kahne lagi

meri parchhai bhi mujh ko ajnabi kahne lagi

wo kaha main ne zaban se jo mere dil mein na tha

mere dil ki baat meri KHamushi kahne lagi

zarra zarra hai yahan raushan usi ke nur se

main usi ki ek shua hun raushni kahne lagi

dekh kar unchai mere KHwab ki parwaz ki

main hun bebas tere aage bebasi kahne lagi

tu kahan rahti hai puchha tha kisi ne ek din

main ghamon ke sath rahti hun KHushi kahne lagi