bagh mein subh-o-sham aana jaana raha lala-o-gul se milna milana raha

baaġh meñ sub.h-o-shām aanā jaanā rahā lāla-o-gul se milnā milānā rahā

jis zamāne kī ye baat hai dosto ab vo mausam na ab vo zamāna rahā

ham ġhazal gaa.eñ tū raqs kar sāqiyā ki salāmat tirā bāda-ḳhāna rahā

mai to jām-o-surāhī meñ bharpūr hai ḳhuuñ hamārī ragoñ meñ rahā na rahā

kaun ai 'ishq terā pujārī bane bazm meñ koī ahl-e-vafā na rahā

ek goshe meñ ham rah ga.e haiñ yahāñ so hamārā bhī ab kyā Thikāna rahā

ye to sach hai ki sarmāya-e-ābrū aaj chand āñsuoñ ke sivā na rahā

tanz se jin pe tum hañs rahe ho gulo kal inhīñ jeb-o-dāman meñ kyā na rahā

yuuñ to kahne ko ham chāk-dāmāñ bhī haiñ zulf-e-barham kī sūrat pareshāñ bhī haiñ

jab se sar phoḌ lene kī 'ādat ga.ī tab se dīvāngī meñ mazā na rahā

'aql bechārī larza-bar-andām hai himmat-e-‘ishq chal ab tirā kaam hai

manzil-e-dār par log yuuñ ruk ga.e jaise aage koī rāsta na rahā

garche 'ājiz' haiñ ham aur nādār haiñ mahfil-e-shād ke rind-e-ḳhud.dār haiñ

ye ḳhudā-sāz chullū salāmat rahe jaam kī kyā shikāyat rahā na rahā

bagh mein subh-o-sham aana jaana raha lala-o-gul se milna milana raha

jis zamane ki ye baat hai dosto ab wo mausam na ab wo zamana raha

hum ghazal gaen tu raqs kar saqiya ki salamat tera baada-KHana raha

mai to jam-o-surahi mein bharpur hai KHun hamari ragon mein raha na raha

kaun ai 'ishq tera pujari bane bazm mein koi ahl-e-wafa na raha

ek goshe mein hum rah gae hain yahan so hamara bhi ab kya Thikana raha

ye to sach hai ki sarmaya-e-abru aaj chand aansuon ke siwa na raha

tanz se jin pe tum hans rahe ho gulo kal inhin jeb-o-daman mein kya na raha

yun to kahne ko hum chaak-daman bhi hain zulf-e-barham ki surat pareshan bhi hain

jab se sar phoD lene ki 'adat gai tab se diwangi mein maza na raha

'aql bechaari larza-bar-andam hai himmat-e-‘ishq chal ab tera kaam hai

manzil-e-dar par log yun ruk gae jaise aage koi rasta na raha

garche 'ajiz' hain hum aur nadar hain mahfil-e-shad ke rind-e-KHuddar hain

ye KHuda-saz chullu salamat rahe jam ki kya shikayat raha na raha