baal baal duniya par us ka hi ijara hai
baal baal duniyā par us kā hī ijāra hai
vaqt ḳhālī hāthoñ se ham ne bhī guzārā hai
kū-ba-kū barastā hai yam-ba-yam ubaltā hai
ḳhūn-e-ādamiyat se naqsh lā sañvārā hai
le chalo charāġhoñ ko kar ke ḳhuun se raushan
dasht kī siyāhī ne ham ko bhī pukārā hai
zād-e-rāh kā ham se kyuuñ savāl karte ho
rahzanoñ ke narġhe meñ jab hameñ utārā hai
har-nafas qafas meñ hoñ kaise maan luuñ 'naqvī'
ab khulī fazā.eñ haiñ āsmāñ hamārā hai
baal baal duniya par us ka hi ijara hai
waqt KHali hathon se hum ne bhi guzara hai
ku-ba-ku barasta hai yam-ba-yam ubalta hai
KHun-e-adamiyat se naqsh la sanwara hai
le chalo charaghon ko kar ke KHun se raushan
dasht ki siyahi ne hum ko bhi pukara hai
zad-e-rah ka hum se kyun sawal karte ho
rahzanon ke narghe mein jab hamein utara hai
har-nafas qafas mein hon kaise man lun 'naqwi'
ab khuli fazaen hain aasman hamara hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
