بار غم حیات کو سر پر سمیٹ کر

بار غم حیات کو سر پر سمیٹ کر

اے دوست پھینک آیا ہوں یکسر سمیٹ کر

بیزار زندگی سے یہ کر دے گی ایک دن

رکھنا ضروریات کی چادر سمیٹ کر

مانگے ہے بوند بوند سمندر سے اب وہی

رکھتا تھا کل تلک جو سمندر سمیٹ کر

باد خزاں نے باغ کو تاراج کر دیا

سب لے گئی بہار کا منظر سمیٹ کر

جی چاہتا ہے آپ کے دامن میں ڈال دوں

لایا ہوں جو چمن سے گل تر سمیٹ کر

سرمایۂ حیات ہے شاداںؔ مرے لیے

رکھا ہے اس کی یاد کو اندر سمیٹ کر