baaten hain waizon ki azab o sawab kya

Mirza Mayal Dehlvi

baaten hain waizon ki azab o sawab kya

Mirza Mayal Dehlvi

MORE BYMirza Mayal Dehlvi

    bāteñ haiñ vā.izoñ azaab o savāb kyā

    do din zindagī meñ hisāb-o-kitāb kyā

    chāhī vafā-e-vāda to paayā javāb kyā

    haañ kahiye to ye aap ne dekhā hai ḳhvāb kyā

    dil meñ ġhazab ke josh haiñ tauba ḳhair ho

    kartī hai dekhiye ye shab-e-māhtāb kyā

    ye sab sahī ki zalzala hai tā-falak magar

    shoḳhī to apnī dekh mirā iztirāb kyā

    us ne to jo likhkhā so likhā par ġhazab ye hai

    ik ek pūchhtā hai ki aayā javāb kyā

    achchhā gumān o vahm hamāre ġhalat sahī

    kahiye to kahtī hai nigah-e-pur-hijāb kyā

    ai ham-nashīñ bhalā vo agar sun ke hāl-e-dil

    kah deñ ki sab ġhalat hai phir is javāb kyā

    karte haiñ log vaa.iz o 'mā.il' pe ta.an kyuuñ

    piitā nahīñ jahān meñ koī sharāb kyā

    baaten hain waizon ki azab o sawab kya

    do din ki zindagi mein hisab-o-kitab kya

    chahi wafa-e-wada to paya jawab kya

    han kahiye to ye aap ne dekha hai KHwab kya

    dil mein ghazab ke josh hain tauba ki KHair ho

    karti hai dekhiye ye shab-e-mahtab kya

    ye sab sahi ki zalzala hai ta-falak magar

    shoKHi to apni dekh mera iztirab kya

    us ne to jo likhkha so likha par ghazab ye hai

    ek ek puchhta hai ki aaya jawab kya

    achchha guman o wahm hamare ghalat sahi

    kahiye to kahti hai nigah-e-pur-hijab kya

    ai ham-nashin bhala wo agar sun ke haal-e-dil

    kah den ki sab ghalat hai phir is ka jawab kya

    karte hain log waiz o 'mail' pe tan kyun

    pita nahin jahan mein koi sharab kya

    Source
    • Book : Intekhab-e-Sukhan(Jild-2) (Pg. 224)
    • Author : Hasrat Mohani
    • Publication : uttar pradesh urdu academy (1983)
    • Edition : 1983
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY