baatin se sadaf ke dur-e-nayab khulenge

bātin se sadaf ke dur-e-nāyāb khuleñge

lekin ye manāzir bhī tah-e-āb khuleñge

dīvār nahīñ parda-e-fan band-e-qabā hai

ik jumbish-e-añgusht ki mahtāb khuleñge

kuchh nok-palak aur tahayyur kī sañvar jaa.e

har jumbish-e-mizhgāñ meñ na.e baab khuleñge

ā.īna-dar-ā.īna khulegā chaman-e-aks

ta.abīr ke dar ḳhvāb pas-e-ḳhvāb khuleñge

ho jā.eñge jab ġharq sadāoñ ke safīne

sunte haiñ ḳhamoshī ke ye girdāb khuleñge

kyā un se samā.at bhī guzar pā.egī ai 'sāz'

vo dar jo tah-e-jumbish-e-mizrāb khuleñge

baatin se sadaf ke dur-e-nayab khulenge

lekin ye manazir bhi tah-e-ab khulenge

diwar nahin parda-e-fan band-e-qaba hai

ek jumbish-e-angusht ki mahtab khulenge

kuchh nok-palak aur tahayyur ki sanwar jae

har jumbish-e-mizhgan mein nae bab khulenge

aaina-dar-aina khulega chaman-e-aks

tabir ke dar KHwab pas-e-KHwab khulenge

ho jaenge jab gharq sadaon ke safine

sunte hain KHamoshi ke ye girdab khulenge

kya un se samaat bhi guzar paegi ai 'saz'

wo dar jo tah-e-jumbish-e-mizrab khulenge