baaton baaton mein baDe hi pyar se chhiDka namak

bātoñ bātoñ meñ baḌe hī pyaar se chhiḌkā namak

zaḳhm dushman kī atā ahbāb kā tohfa namak

mausam-e-ġham meñ sadā hotā rahā paidā namak

jazr-o-mad dil meñ uThe aur aañkh se barsā namak

zabt jab bhī TūTne kī had talak baḌhne lagā

halq meñ gole kī sūrat bārhā aTkā namak

bhuul baiThe haiñ namak kā paas rakhnā log ab

jis taraf bhī dekhiye hai us taraf bikhrā namak

ham na kahte the munāfiq se na kariye dostī

kar diyā āḳhir ko us ne aap kā rusvā namak

ḳhud pe jab biitī to 'ġhālib' kā kahā yaad aa gayā

zaḳhm se girtā to maiñ palkoñ se chuntā thā namak

baaton baaton mein baDe hi pyar se chhiDka namak

zaKHm dushman ki ata ahbab ka tohfa namak

mausam-e-gham mein sada hota raha paida namak

jazr-o-mad dil mein uThe aur aankh se barsa namak

zabt jab bhi TuTne ki had talak baDhne laga

halq mein gole ki surat barha aTka namak

bhul baiThe hain namak ka pas rakhna log ab

jis taraf bhi dekhiye hai us taraf bikhra namak

hum na kahte the munafiq se na kariye dosti

kar diya aaKHir ko us ne aap ka ruswa namak

KHud pe jab biti to 'ghaalib' ka kaha yaad aa gaya

zaKHm se girta to main palkon se chunta tha namak