bazar mein bhi garmi-e-bazar kyon nahin

bāzār meñ bhī garmī-e-bāzār kyoñ nahīñ

dekheñge log aaj kā aḳhbār kyoñ nahīñ

kahte the aap ek hī jaise haiñ aap ham

maiñ qaid huuñ to aap giraftār kyoñ nahīñ

parvā na kī usūl-parastī ke sāmne

vo yaar kyoñ nahīñ hai maiñ 'ayyār kyoñ nahīñ

nargis ke phuul mere janāze pe Daal ke

kahte ho kyoñ pasand kā iz.hār kyoñ nahīñ

qadmoñ se ab to samt kā ehsās bhī gayā

ruktī nahīñ hai vaqt kī raftār kyoñ nahīñ

hālāt ko mazīd bigāḌā to fā.eda

kyā kar rahe haiñ aap ḳhabar-dār kyoñ nahīñ

ik dūsre ke ḳhuun ke pyāse to haiñ 'nashāt'

koī kisī kā mūnis-o-ġham-ḳhvār kyoñ nahīñ

bazar mein bhi garmi-e-bazar kyon nahin

dekhenge log aaj ka aKHbar kyon nahin

kahte the aap ek hi jaise hain aap hum

main qaid hun to aap giraftar kyon nahin

parwa na ki usul-parasti ke samne

wo yar kyon nahin hai main 'ayyar kyon nahin

nargis ke phul mere janaze pe Dal ke

kahte ho kyon pasand ka izhaar kyon nahin

qadmon se ab to samt ka ehsas bhi gaya

rukti nahin hai waqt ki raftar kyon nahin

haalat ko mazid bigaDa to faeda

kya kar rahe hain aap KHabar-dar kyon nahin

ek dusre ke KHun ke pyase to hain 'nashat'

koi kisi ka munis-o-gham-KHwar kyon nahin