bazuon mein jaan aa jae to behtar
bāzuoñ meñ jaan aa jaa.e to behtar
hosh meñ dahqān aa jaa.e to behtar
hai safar halchal magar koī nahīñ hai
bahr meñ tūfān aa jaa.e to behtar
ḳhauf se hoñToñ pe hai kuchh murdanī sī
ik zarā muskān aa jaa.e to behtar
aaj ho kuchh to shikam-serī kī sūrat
ghar meñ ik mehmān aa jaa.e to behtar
aadmī bezār haiñ ik dūsre se
ik nayā insān aa jaa.e to behtar
haiñ 'valīd' ab tak vahī kaalī fazā.eñ
rut koī anjān aa jaa.e to behtar
bazuon mein jaan aa jae to behtar
hosh mein dahqan aa jae to behtar
hai safar halchal magar koi nahin hai
bahr mein tufan aa jae to behtar
KHauf se honTon pe hai kuchh murdani si
ek zara muskan aa jae to behtar
aaj ho kuchh to shikam-seri ki surat
ghar mein ek mehman aa jae to behtar
aadmi bezar hain ek dusre se
ek naya insan aa jae to behtar
hain 'walid' ab tak wahi kali fazaen
rut koi anjaan aa jae to behtar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
