بازوؤں میں جان آ جائے تو بہتر
بازوؤں میں جان آ جائے تو بہتر
ہوش میں دہقان آ جائے تو بہتر
ہے سفر ہلچل مگر کوئی نہیں ہے
بحر میں طوفان آ جائے تو بہتر
خوف سے ہونٹوں پہ ہے کچھ مردنی سی
اک ذرا مسکان آ جائے تو بہتر
آج ہو کچھ تو شکم سیری کی صورت
گھر میں اک مہمان آ جائے تو بہتر
آدمی بیزار ہیں اک دوسرے سے
اک نیا انسان آ جائے تو بہتر
ہیں ولیدؔ اب تک وہی کالی فضائیں
رت کوئی انجان آ جائے تو بہتر
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
