baDa ehsan hum farma rahe hain

Jaun Eliya

baDa ehsan hum farma rahe hain

Jaun Eliya

MORE BYJaun Eliya

    baḌā ehsān ham farmā rahe haiñ

    ki un ke ḳhat unheñ lauTā rahe haiñ

    nahīñ tark-e-mohabbat par vo raazī

    qayāmat hai ki ham samjhā rahe haiñ

    yaqīñ rāsta tai karne vaale

    bahut tezī se vāpas aa rahe haiñ

    ye mat bhūlo ki ye lamhāt ham ko

    bichhaḌne ke liye milvā rahe haiñ

    ta.ajjub hai ki ishq-o-āshiqī se

    abhī kuchh log dhokā khā rahe haiñ

    tumheñ chāheñge jab chhin jāogī tum

    abhī ham tum ko arzāñ rahe haiñ

    kisī sūrat unheñ nafrat ho ham se

    ham apne aib ḳhud ginvā rahe haiñ

    vo pāgal mast hai apnī vafā meñ

    mirī āñkhoñ meñ aañsū aa rahe haiñ

    dalīloñ se use qaa.il kiyā thā

    dalīleñ de ke ab pachhtā rahe haiñ

    tirī bāñhoñ se hijrat karne vaale

    na.e māhaul meñ ghabrā rahe haiñ

    ye jazb-e-ishq hai jazba-e-raham

    tire aañsū mujhe rulvā rahe haiñ

    ajab kuchh rabt hai tum se ki tum ko

    ham apnā jaan kar Thukrā rahe haiñ

    vafā yādgāreñ tak na hoñgī

    mirī jaañ bas koī din rahe haiñ

    baDa ehsan hum farma rahe hain

    ki un ke KHat unhen lauTa rahe hain

    nahin tark-e-mohabbat par wo raazi

    qayamat hai ki hum samjha rahe hain

    yaqin ka rasta tai karne wale

    bahut tezi se wapas aa rahe hain

    ye mat bhulo ki ye lamhat hum ko

    bichhaDne ke liye milwa rahe hain

    tajjub hai ki ishq-o-ashiqi se

    abhi kuchh log dhoka kha rahe hain

    tumhein chahenge jab chhin jaogi tum

    abhi hum tum ko arzan pa rahe hain

    kisi surat unhen nafrat ho hum se

    hum apne aib KHud ginwa rahe hain

    wo pagal mast hai apni wafa mein

    meri aankhon mein aansu aa rahe hain

    dalilon se use qail kiya tha

    dalilen de ke ab pachhta rahe hain

    teri banhon se hijrat karne wale

    nae mahaul mein ghabra rahe hain

    ye jazb-e-ishq hai ya jazba-e-raham

    tere aansu mujhe rulwa rahe hain

    ajab kuchh rabt hai tum se ki tum ko

    hum apna jaan kar Thukra rahe hain

    wafa ki yaadgaren tak na hongi

    meri jaan bas koi din ja rahe hain

    Source :
    • Book : Gumaan (Poetry) (Pg. 130)
    • Author : Jaun Elia
    • Publication : Takhleeqar Publishers (2012)
    • Edition : 2012
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now