بدن گلاب سا مہکے تو آگ لگ جائے

بدن گلاب سا مہکے تو آگ لگ جائے

سو تو کہیں سے بھی گزرے تو آگ لگ جائے

زمین چپ ہے مگر کھولتی ہے اندر سے

وہ ایک لفظ بھی بولے تو آگ لگ جائے

عجب مزاج کا آتش پرست ہوں میں بھی

کوئی جو آگ کو پوجے تو آگ لگ جائے

میں جی رہا ہوں فقط اس کی بے رخی کے طفیل

وہ آنکھ بھر کے جو دیکھے تو آگ لگ جائے

میں ایسے رخ پہ ہوں سورج کے سامنے کہ اگر

ذرا سا زاویہ بدلے تو آگ لگ جائے

ہمارے لفظ ہیں ماچس کی تیلیاں مظہرؔ

کوئی دماغ سے رگڑے تو آگ لگ جائے