baDh chala ishq to dil chhoD ke duniya uTTha

baḌh chalā ishq to dil chhoḌ ke duniyā uTThā

ḳhud-baḳhud josh-e-mai-e-nāb se shīsha uTThā

dast-e-nāzuk se zar-e-gul kā bhī uThnā hai muhāl

ye to farmā.iye kis vaj.h se toḌā uTThā

jab pukāre lab-e-jāñ-baḳhsh se vo mar ga.e ham

nā-tavānoñ se na bār-e-dam-e-īsā uTThā

ḳhāksāroñ meñ nahīñ aise kisī kī tauqīr

qadd-e-ādam mirī ta.azīm ko saayā uTThā

yaad us but kī namāzoñ meñ jo aa.ī mujh ko

tapish-e-shauq se har baar maiñ baiThā uTThā

baDh chala ishq to dil chhoD ke duniya uTTha

KHud-baKHud josh-e-mai-e-nab se shisha uTTha

dast-e-nazuk se zar-e-gul ka bhi uThna hai muhaal

ye to farmaiye kis wajh se toDa uTTha

jab pukare lab-e-jaan-baKHsh se wo mar gae hum

na-tawanon se na bar-e-dam-e-isa uTTha

KHaksaron mein nahin aise kisi ki tauqir

qadd-e-adam meri tazim ko saya uTTha

yaad us but ki namazon mein jo aai mujh ko

tapish-e-shauq se har bar main baiTha uTTha