baDha diya hai mohabbat ne intishaar mera

baḌhā diyā hai mohabbat ne intishār mirā

kisī ikaa.ī meñ hotā nahīñ shumār mirā

maiñ apnī ruuh kā mehmāñ huā huuñ raat kī raat

mirā badan na kare aaj intizār mirā

ye maiñ ki shām-e-tamāsha kī bhiiḌ meñ gum huuñ

diye ne naam pukārā hai baar baar mirā

tū apne ashk-e-tapāñ se mujhe judā to na jaan

ḳhabar nahīñ isī lau par hai inhisār mirā

ye merā taur ki ḳhāmosh rahnā ḳhush rahnā

ye dil kā shor ki samjhā nahīñ shi'ār mirā

milā diyā hai charāġhoñ kī sat.h se maiñ ne

isī qadar thā sitāroñ pe iḳhtiyār mirā

baDha diya hai mohabbat ne intishaar mera

kisi ikai mein hota nahin shumar mera

main apni ruh ka mehman hua hun raat ki raat

mera badan na kare aaj intizar mera

ye main ki sham-e-tamasha ki bhiD mein gum hun

diye ne nam pukara hai bar bar mera

tu apne ashk-e-tapan se mujhe juda to na jaan

KHabar nahin isi lau par hai inhisar mera

ye mera taur ki KHamosh rahna KHush rahna

ye dil ka shor ki samjha nahin shi'ar mera

mila diya hai charaghon ki sath se main ne

isi qadar tha sitaron pe iKHtiyar mera