baDi mushkil kahani thi magar anjam sada hai

Zulfiqar Aadil

baDi mushkil kahani thi magar anjam sada hai

Zulfiqar Aadil

MORE BYZulfiqar Aadil

    baḌī mushkil kahānī thī magar anjām saada hai

    ki ab us shaḳhs ham se bichhaḌne irāda hai

    aur is ke ba.ad ik aise lamhe tak hai ḳhāmoshī

    hameñ dar-pesh phir se lamha-e-tajdīd-e-va.ada hai

    suno raste meñ ik jaltā huā sahrā bhī aa.egā

    kaho kab tak hamāre saath chalne irāda hai

    hameñ āsāniyoñ se pyaar thā aur log kahte the

    agar manzil se haT jaa.eñ to har rasta kushāda hai

    sitāra-dar-sitāra TūTtā hai āsmāñ to bhī

    tire qisse meñ bhī merī kahānī i.aada hai

    maiñ huuñ nā-mo'tabar manzil ḳhātir mo'tabar rah par

    vajūd-e-ḳhvāhish-e-jāñ par duāoñ libāda hai

    kuchh aisī shiddatoñ se ham guzar kar aa.e haiñ 'ādil'

    hameñ terī zarūrat bhī zarūrat se ziyāda hai

    baDi mushkil kahani thi magar anjam sada hai

    ki ab us shaKHs ka hum se bichhaDne ka irada hai

    aur is ke baad ek aise hi lamhe tak hai KHamoshi

    hamein dar-pesh phir se lamha-e-tajdid-e-wada hai

    suno raste mein ek jalta hua sahra bhi aaega

    kaho kab tak hamare sath chalne ka irada hai

    hamein aasaniyon se pyar tha aur log kahte the

    agar manzil se haT jaen to har rasta kushada hai

    sitara-dar-sitara TuTta hai aasman to bhi

    tere qisse mein bhi meri kahani ka iada hai

    main hun na-mo'tabar manzil ki KHatir mo'tabar rah par

    wajud-e-KHwahish-e-jaan par duaon ka libaada hai

    kuchh aisi shiddaton se hum guzar kar aae hain 'adil'

    hamein teri zarurat bhi zarurat se ziyaada hai

    Source:

    • Book : Beesveen Sadi Ki Behtareen Ishqiya Ghazlen (Pg. 92)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY